BAWI PA CU TUKHAL BANTUK IN A KA VENG TU ASI
A bikin mino hna caah umharpheng tal si hnga maw tin kaa hruhpi mi ka thinlung chung um biazai le tuanbia tawi hna ka vuntar ve.Hmai lei zongah mah blog teah dawtnak he aa pehtlai mi pawldeuh lawng chiah kaa tim.Chin mino hna nih kan miphun,kan holh le kan ca kan sunhsak khawhnak caah santlaihnak pelte tal ngei ve sehlaw ti zong a thliten saduh ka that ko.
Pathian thluachuah hi Kan i ruahchan ningin a rat lo tik'h... Degree a la deng cang mi a fapa nih a pa kha,"Graduation Day' ah cun sport Car na ka cawkpiak lai a ti.a Ni cu a vun nai thluamah i , "Ziah! ka Pa hi a tu tiang laksawng cu a ka pek bal hnga lo" tiah a ruahlengmang Degree alak ni ah a pa nih a private khaan chung teah a auh i, “ Ka fa, nangmah bantuk fapa fimthiam kan ngeih mi hi kaa lawm tuk hringhran: ka fa kaan dawt tuk” a ti hnuah a fapa cu laksawng hmete pakhat a pek.
Cu laksawng te cu a zoh tikah Bible cauk hmete arak si ai. A thin hung tuk. “ Ka pa, hi tluk na rum ko nain, Bible hmete pakhat lawng laksawng ah na ka thenh ti?” tiah a pa cu awhraang ngai in a auhnawh chih, Bible cu a pa hmai bak ah a hlonh i, inn in a tli.
Ni le can nih an vun liam cuahmah.a fapate zong mirum ah aa vun i cang i chungkhar he a vun si cang. Graduation Day ni i, a pa a tliktak hnu ah a va tong than bal ti lo. “Ka pa a tar tuk cang lai hi teh” tiah a ruah i a pa sinah tlawn than cu a vun i tim. A tlawn khawh hlan te ah telegram pakhat te a vun hmuh. A pa nih a thih taak cang; a si nain a ngeih mi vialte a fapa caah a roh taak.
A Fapa te cu rianrangngai in a pa inn ah cun a tli colh. A pa cauk, le cahnah biapi deuh pawl a zoh tthan lio ah , Graduation Day lio i a pa nih a pek mi Bible cauk te cu a hmuh. Mittlhi he cu Bible cauk te cu a kau, cabawm hmete pakhat Bible chungin a vung tla. A chungah cun tawhfung pakhat te arak um. Tlangval pa nih a zoh tikah cu tawhfung cu Degree alak hnik lio i a duh tuk mi Sport Car tawh a rak si ai. Degree alak ni hrimhrim ah aa cit awk ah a pa nih arak cawk piak mi cu arak si.
Kan i ruahchan ning in a rat lo caah Pathian thluachuah hi voi zeizat taktak ko hi dah kan nganh sual cang hnga?How many times do we miss God's blessings because they are not came as we expected?.
Pathian thluachuah hi Kan i ruahchan ningin a rat lo tik'h...
ReplyDeleteDegree a la deng cang mi a fapa nih a pa kha,"Graduation Day' ah cun sport Car na ka cawkpiak lai a ti.a Ni cu a vun nai thluamah i , "Ziah! ka Pa hi a tu tiang laksawng cu a ka pek bal hnga lo" tiah a ruahlengmang Degree alak ni ah a pa nih a private khaan chung teah a auh i, “ Ka fa, nangmah bantuk fapa fimthiam kan ngeih mi hi kaa lawm tuk hringhran: ka fa kaan dawt tuk” a ti hnuah a fapa cu laksawng hmete pakhat a pek.
Cu laksawng te cu a zoh tikah Bible cauk hmete arak si ai. A thin hung tuk. “ Ka pa, hi tluk na rum ko nain, Bible hmete pakhat lawng laksawng ah na ka thenh ti?” tiah a pa cu awhraang ngai in a auhnawh chih, Bible cu a pa hmai bak ah a hlonh i, inn in a tli.
Ni le can nih an vun liam cuahmah.a fapate zong mirum ah aa vun i cang i chungkhar he a vun si cang. Graduation Day ni i, a pa a tliktak hnu ah a va tong than bal ti lo. “Ka pa a tar tuk cang lai hi teh” tiah a ruah i a pa sinah tlawn than cu a vun i tim. A tlawn khawh hlan te ah telegram pakhat te a vun hmuh. A pa nih a thih taak cang; a si nain a ngeih mi vialte a fapa caah a roh taak.
A Fapa te cu rianrangngai in a pa inn ah cun a tli colh. A pa cauk, le cahnah biapi deuh pawl a zoh tthan lio ah , Graduation Day lio i a pa nih a pek mi Bible cauk te cu a hmuh. Mittlhi he cu Bible cauk te cu a kau, cabawm hmete pakhat Bible chungin a vung tla. A chungah cun tawhfung pakhat te arak um. Tlangval pa nih a zoh tikah cu tawhfung cu Degree alak hnik lio i a duh tuk mi Sport Car tawh a rak si ai. Degree alak ni hrimhrim ah aa cit awk ah a pa nih arak cawk piak mi cu arak si.
Kan i ruahchan ning in a rat lo caah Pathian thluachuah hi voi zeizat taktak ko hi dah kan nganh sual cang hnga?How many times do we miss God's blessings because they are not came as we expected?.