CHIN MI PHUN DAWT TU

HOW I MIS YOU
    
      My darling .How i miss you touch ,i miss you whisper of i love you so much
     Your love is so sweet,so gentle,so tender
     So wonderful-just like the sender
     My love for you is so true  and so keep.
     I pray that my love you will forever keep
     I Love you more each and every day
     I love it when you
     Grrrrrrrrrrrrrrrrrrrrr '''''''' OMG- that makes me..
     Purrrrrrrrrrrrrrrrrrr ''''''''' LYL- is where I want to be
     Me pleaseing you and you pleasing me
     I want to be touching you skin to skin
     Baby - i am ready for our life to began
    I am counting the daysuntil then  you will long for love-never agian
    I will love you like crazy for rest of your life
    You will have the best friend,love and wife  
    I WANT TO BE YOUR EVERTHING

            Until we are together agian hold me your heart
                                     I am holding you in mine as i have from the start......I LOVE YOU MY COUNTRY CHINLAND

BY....SANSAN
    ရဲ.ရင့္ျခင္း ရွိေလာ့
 
  အဖ ဘုရား သခင္ ရဲ. ေက်းဇူးေတာ္ကုိ ေရွးဦးစြာ ခ်ီးမြမ္းပါတယ္။ ဟာေလလုယာ... အလုိေတာ္ျမတ္ေသာ ခရစ္ေတာ္နာမဍ္ နွဳတ္ခြန္းဆက္ပါတယ္၊၊   ဘုရားရွင္ ပုိ.ေဆာင္ေပးမူေႀကင့္  လူငယ္ေတြ ဟာမိမိ တုိ.ပုိင္ဆုိင္ထားတဲ့ အခ်ိန္၊ခြန္အား၊ေငြေႀကးေတြ အားလုံး ဟာ ဘုရားရွင္ ဆီမွ လာျခင္းျဖစ္တယ္ဆုိတာကုိ ဝန္ခံေသာနွလုံးသားမ်ားျဖင့္ ဘုရား ရွင္ အတြက္ အုတ္တစ္ခ်ပ္သဲတစ္ပြင့္ အျဖစ္ ခ်င္းလူငယ္ မ်ား ရဲ. အစိတ္အပုိင္း တစ္ခုမွာ ပါဝင္ပါတယ္......

1. ...  CHIN MI PHUN DAWTTU NANGLE KEI
                  
   
   

   
   Hi bantuk ni sunglawi hi lunglawmhnak ni taktak a si. Asinain, nihin, kan lungthin le ruahnak cawh-thup in an um: Lawmhnak he ngeihchiatnak he cun lunglennak. Miphun pakhat kan sinak langhternak caah hi bantuk ni sunglawi kan conglawmh lioah hin, kan chuah-kehnak ram teah kan conglawmh khawh lomi nih hin kan lungthin cu a ngeihchiatter ngai ko, hi nih hin mi ramdang ah ralzam kan sinak taktak cu a kan theihter khun. Kan chuah-kehnak ram cu kan ngai cio hna; Kan chuah-kehnak ram i thawngpang le fingtlang cu ngaih an um hringhren ko: tlaang hna, nelrawn hna, ni ceudawh hna, ruahsur, pangpar hna le hramh rim hmanh kan ngai tuk hna!
   
   Asinain, mi ramdang ah ralzam sinak in, hla le laamnak in Chin National Day a conglawm khomi hna hi kan ram ah a ummi Lami nakin kan van a tha deuh tuk timi hi philh hlah u tiah zaangfah kan nawl hna. Kan mipi hna nih Kawlram ah Chin National Day hi "Chin National Day" tiin an conglawm kho lo timi thei u tiah kan nawl hna. Febuary 20 ah Chin National Day kan conglawmhmi hna hi Kawl ralkap nih cun an khammi a si. Chin National Day conglawmh an khammi nih a langhtermi cu Kawlram ah ethnic ram pakhat kan sinak le miphun pakhat kan sinak theih pi an kan duh lo caah a si.   
   
   Miphun pakhat kan sinak conglawmh an kan duh lo tikah, kan ram, kan nunphung, kan tuanbia, kan zatlangnun theih pi an kan duh lo, zeicahtiah hi vialte
   
   hna hi pakhat kan sinak a fun-tomtu an si, hihi Laimi a kan sitertu a si--miphun dang te kan si. Chin National Day conglawmh an khamhnak in, Kawl ralkap nih miphun dang kan sinak (our identity) hrawh an i zuam. Miphun pakhat kan sinak (identity) hi (Laimi kan nunnak le kan ram nunnak) a si: a pakhatnak ah miphun pakhat kan sinak thah an i zuam i duhsah tein kan nunnak an hloh lai. A ngaingai ti ahcun nunnak loin, zeitindah kan pum cu a nun khawh lai?
   
   Cucaah, Chin National Day kan conglawmhmi hi cu zeihmanh a si lo kan nunnak (miphun pakhat kan sinak) kan runven tu a si.
   Chin National day conglawmhnak in, miphun pakhat kan sinak kan runven tu a si.
   Chin National Day conglawmhnak in, miphun pakhat kan sinak i nawl kan ngeihnak kan runven tu a si.
   Cucaah, mi ramdang ah ralzam sinak in Chin national Day kan conglawmhmi hi zalonnak caah kan i zuam cuahmahmi a langhtertu a si ve: Democracy caah kan i zuam cuahmahmi a langhtertu a si ve, hihi kan pi-pu hna i an sahduhthah le an mangmanh a tling kho rih lomi a si. Chin National Day a thawhkehnak kan theih cio bantukin: Kam ram i hruainak ding caah "democracy" kan duh ko tiah kan rak i thimmi "ni" conglawmhnak le philh lonak caah Chin National Day hi kan tuahmi a si. Lairam ah Capital a rak si hmasa bikmi Falam (kha hlan ah theih a rak hmasa ning in cun Chin Special Division ti a si) ah saupi an rak ceihmai hnu le an rak i al hnu cikcek ah (Febuary 17-20, 1948), Laimi nih democracy phungning tein biakhiahnak an tuah i an thimmi cu "democracy" hi Ram-uk tiah an rak auhmi kan political phunglam cungah um seh tiah an rak ti. Asullam cu, kha lio i an political le traditional phunglam kha Democracy phunglam nih uk seh tiah an rak ti. Hi biakhiahnak cu a donghnak an 'conference" pi ah an rak tuah, Febuary 20, 1948 ah a rak si. Democracy phunglam in "delegats" an zate ngawt in an rak vote. Minung cu 1,000 leng an rak si. Ram-uk hruaitu lawngte deuh an rak si fawn hna. "Delegate 17 lawng nih Ram-uk phunglam duhnak he an rak vote.
   
   Hi ti hin kan Laimi nih kan political phunglam caah democracy kan thimning cu a si. Asinain, nan theih cio bangin, kan pi-pu hna saduhthahnak le mang cung cu a tling kho rih lo. Hi ruangah hin nangmah le keimah zong mi ramdang ah ralzam dirhmun in kan umnnak a si: emocracy ca le zalonnak caah kan doh hna. Cucaah mi ramdang ah Chin Natiaonal Day kan conglawmhmi zong hi miphun pakhat kan sinak kan runvennak le democracy le zalonnak caah kan dohnak a si. Cun hi ti in kan i zuamnak ah hin kanmah lawng kan si lo timi hi philh hlah u!
   
   A luan cia kum sawmruk (60) chung, Kawlram ah ethnic ram nih an dawngte ngawt in an zalonnak ca le miphun pakhat an sinak runvennak caah ral an doh peng, modern chan ah ral a do/tu saubikmi pakhat an si. Kum sawmruk chung (60) lengluang ah chin, nunnak tam tuk kan thap cang, sualnak le palhnakl a ngei lomi nu hna le fa-nau hna nunnak tam tuk a liam cang. Rel cawk lo minung, ram chung thil chuak tam tuk a hrawh cang i chan tam tuk kan nunnak hnahnawhnak a kan pek, a hleiin ethnic ram ah. Kan khua an hrawh hna, kan inn an khangh hna, kan lo an hrawh i kan lothlo hna cu an lo hmanh zohkhenh kho hna loin an thilri le an hriamnaam an phorhter hna. Khuate, mi sawhsawh hna kha misual na si, tapung na bawmh hna tiah an thah hna. Ethnic ram hrawhhral duh ah nu hna le nungak hna an tlaihhrem hna. Hihi cu pei kan dohmi cu a si cu, Hi caah hin pei kan doh cu! Kan pumpak runvennak caah kan doh i kan nunnak caah kan doh hna.
   
   Ram kip komh in Union of Burma ser dingin 1947 ah Panglong Hnatlasknak min kan rak thut. (Ethnic group kip nih dai tein an um khawh nakhnga caah Union of Burma dirhmi a si). Kan ram hi Union of Burma ah ser i, hi chungah hin zalong tein hloh phun kip in holh cio i pakhat le pakhat i theih cio dingin kan duhmi a si. Kan ram hi Union of Burma ah ser i cu chungah cun biaknak phun kip nih an biaknak cio zul in an pathian cio bia hna seh, cu ti cun pakhat le pakhat karlak ah dawtnak um sehlaw, dai tein um cio hna u sih timi hi kan duhmi a si.
   
   Panglong Hnatlaknak i a muru cu hmun-khat ah umti (togetherness) dingin tuahmi a si, asinain kan i dannak zong pom dih thiamthiam dingin talh chihmi a si; hihi hmun-khat ah rat ttinak caah a si nain i fonh thai ding caah a si fawn lo. Cucaah, Panglong Hnatlaknak a muru, or "Panglong Spirit" tiah kan auhmi cu a tawinak bik le a thabik in kan chim ahcun "unity in diversity" ti a si: lungthin khat tein Union of Burma kan dirh ti lai ti a si ko. Asinain kan i dannak kha i theih piak i, i upat cio ding ti a si.   
   
   "Unity in diversity" timi ah, unity timi hi kan i tinhmi cu a si lo, kan i tinhmi lam kan phak khawh ding caah unity kan tuahmi a si. Kan i ralrin dingmi cu hmun-khat ah (togetherness) timi hi i khahnak (sameness) timi he aa khat lo. "Unity" hi kan i tinhmi a si ahcun, kan ram hi i khahnak (sameness) leiah kan zawh tinak a si hnga; "i khahnak" (sameness) timi hi ttih a nung tukmi political ruahnak a si, ahleiin ram tampi a ummnak Union of Burma ah hin ttih a nung khun. Ethnic dangdang cio umnak le biaknak dangdang cio umnak ah, pakhat cio nih an phunglam dang cio an hmang hna i an holh dang cio an chim hna, cu bantuk in aa dang ciomi hna kha "unity in diversity" in pom piak hna loin "sameness" in kan kal pi sual hna ahcun i rem lonak le that lonak a um ko lai. "I khahnak" (sameness) nih political ideology in cun aa dangmi a pom kho hna lo. "I khahnak" (sameness) hi state policy si sual sehlaw holh dang cio in a holhmi a pom kho lai lo, a hleiin official lei he aa pehtlaimi poah, tahchunnak ah biaceihnakzung le sianginn ti bantuk ah holh pakhat lawmh hman a hau hnga. Cun biaknak dang cio le zatlangnun cio zong a pom kho ti lai lo. State religion ah khupbil dih kan hau dih cio hna lai. Cucaah unity in diversity hi a tha bikmi a si. "Unity" hi state nih aa tinhmi a si i "i khahnak (sameness)" hi political ideology caah kan ruah sual ahcun dictatorship lam zawh lo awk a tha ti hnga lo. Cun cozah nih a tha an timi poah kan duh zong ah duh lo zong ah zawh chin lengmang kan hau ko hnga.
   
   Political ideology in cun 'i khahnak' (sameness) timi hi "forced-assimilation" ti a si ko zeicatiah a cozah lei nih nawl (power) an ngeih tikah, ethnic group dang hna kha hramhram in an 'force' hna i anmah phunglam, hloh, biaknak, le miphun sinak tu hna an zulhter hna. Hihi Kawlram chungah kum sawmruk (60) chung a um cang. Kawlram cozah nih kum sawmruk (60) chung ethnic group hna sinah an tuah cangmi a si. Hihi kan doh pengmi cu a si. Kan zapi tein kan theih ciomi cu Kawlram cozah ralkap nih ethnic hloh dingin "scorched earth" campaign an tuah. Asullam cu kan vawlei tiangin khangh dih an timh. Hi campaign hi 1960 hrawng in an thok cang, kum sawmli chungah ethnic group hna cu kan riangvai dih cang hna; cu ti cun mi phun dang pakhat kan sinak i kan nunnak hmanh in loh dih deng kan i tim cang hna.  
   
   "Scorched earth" campaign ah hin ralkap cozah nih lam pali hmangin hloh an kan timh: i) rawl pphorhnak lam phih; ii) thawngpang thannak an phih; iii) ralkap tlak an phih (ethnic ralkap); cun iv) phaisa luhnak hram pipi hna an phih. Rawl an phihning cu, a cozah ralkap nih lo an hrawh, lam ser te hna an duh lo, aruang cu rawl pekchanhnak tha hlah seh tiah an duh. Cu pinah lothlo hnahnawhnak a phunphun in an pek hna. Lo rian tuan kho loin an thilri an phorhter hna. Ethnic hmunhma ah "information" lam an phih. 1966 in ethnic holh in information chuah an onh ti lo. Ethnic holh in thawngthannak caah mah tein newspaper, radio, printting a um lo. Ethnic holh hi hloh an timh i "myanmar" holh tu an cawisan chinchin. Hihi kawlram ah cun official holh a si.  
   
   Note: Lai Forum ah lak i lehmi a si, a sau deuh i kan peh than te lai. Palh sualnak le fian lonak ah ruah tti khawh than a si lai.

   
   

   ---

   Older news items:

   • Vawlei Thar An Hmuhmi Ah Nun Khawh A Si Kho Men
   • Phaisa piahnih kong:
   • A mah tein a kalmi Lung
   • Thingkung cung a kaimi meheh:
   • Colonel Van Kulh Tuanbia (BGM, BAR)
   • A Hodah A Palh? A Hodah A Sual?
   • Ngakchia/Mino si lio ah a biapi tuk mi.
   • Pop Siangnuhrang A Thi